Конституциялық реформа аясында елімізде жоғары консультативтік орган – Қазақстан Халық Кеңесі құрылды.
Ол немен айналысады?
Ел дамуының күн тәртібін қалыптастырады, өңірлердің ұстанымын билікке жеткізеді және ішкі саясат мәселелері бойынша ұсыныстар әзірлейді.
Заңдарға қалай ықпал етеді?
Қазақстан Халық Кеңесінің шешімдері жай ғана ұсыныс болып қалмайды. Заңнамалық бастама құқығы арқылы олар заң жобалары мен реформаларға негіз бола алады.
Халықтың мүддесін кімдер білдіреді?
Кеңес құрамына сарапшылар, қоғам белсенділері және өңірлердің өкілдері кіреді. 126 мүшенің басты міндеті – Қазақстан қоғамының әлеуметтік және қоғамдық-саяси әралуандығын көрсету.
Қазақстан Халық Кеңесі – қоғамдық пікір мемлекеттік шешімдерге негіз болатын диалогтің жаңа форматы.
