ТҮРКІСТАН: ТӨЛЕБИДЕ 100-ДЕН АСА ОҚУШЫ «АЛТЫН БЕЛГІГЕ» ҮМІТКЕР

Түркістан облысындағы барлық білім ошақтарында «Соңғы қоңырау» соғылды. Облыста биылғы оқу жылын 34 мыңға жуық оқушы тәмамдады. Төлеби ауданы бойынша 28176 оқушы болса, олардың 1612-сі мектеп бітіруші түлектер. Соның ішінде 103 оқушы – «Алтын белгі», ал 113 оқушы – «Үздік аттестатқа» үміткер.
Төлеби ауданының әкімі Еркеғали Әлімқұлов Сұлтан Рабат жалпы орта мектебінде өткен соңғы қоңырау салтанатына қатысып, мектеп түлектерін, ұстаздарды, оқушыларды оқу жылының аяқталуымен құттықтап, ақ жол тіледі.
Мерекелік жиын барысында білім беру саласының өркендеуі жолында адал қызмет етіп, жас ұрпақты оқыту мен тәрбиелеуде елеулі жетістіктерге қол жеткізген бірқатар азаматтарға аудан әкімінің, аудандық білім бөлімінің басшысының «Алғыс хатымен» марапатталды.
Салтанатты шарада оқушылар патриоттық әндер шырқап, ұстаздарға деген жылы лебіздерін жеткізді.
Түркістан облысы әкімінің баспасөз қызметі