Бүгін аудан әкімі Арман Қарсыбаевтың төрағалығымен кезекті аппараттық мәжіліс өтті.
Жиын барысында ауданның әлеуметтік-экономикалық даму көрсеткіштері мен өзекті мәселелер талқыланып, бірқатар сала басшыларының баяндамалары тыңдалды. Атап айтқанда, «Казсушар» РМК тарапынан босатылған ағын су қарызының қайтарылуы және ауылдық округтерде су үнемдеу технологиясын ендіру жоспарының орындалуы жөнінде аудан әкімінің орынбасары Жұмасұлтан Бердешов баяндама жасады. Сонымен қатар, аудандық экономика және қаржы бөлімі басшысының міндетін атқарушы Мейірбек Асықбаев есеп беріп, 2025 жылғы 4 айдың қорытындысымен индикаторлық көрсеткіштердің орындалуын баяндады.
Мәжіліс аясында инфрақұрылым, коммуналдық қызмет, ауыл шаруашылығы және экология салаларына қатысты бірқатар маңызды мәселелер қаралды. Атап айтқанда, туристік аймақтарды дамыту, ішкі көшелерді жөндеу, газдандыру, инвестициялық жобаларды іске асыру, «Таза Қазақстан» экологиялық акциясы аясындағы іс-шаралар, тамшылатып суару технологияларын енгізу, ағын су қарыздарын өтеу және зиянкес жәндіктерге қарсы залалсыздандыру жұмыстары кеңінен сөз болды.
Аудан әкімі Арман Қарсыбаев әр салада орын алып отырған негізгі кемшіліктерге тоқталып, жауапты бөлім басшыларына нақты тапсырмалар беріп, тиімділік пен нәтижелілікке негізделген жұмысты күшейтуді тапсырды.
(с) Шардара ауданы әкімінің баспасөз қызметі
