2025 жылға арналған дін саласындағы ақпараттық-түсіндіру жұмыстарының жоспар-кестесіне сәйкес, Шардара ауданы, Көксу ауылдық округі әкімдігі ғимаратында «Рухани құндылықтар – халықтың игілігі» тақырыбында ақпараттық-түсіндіру кездесуі өткізілді.
Іс-шараның мақсаты – қоғамда діни тұрақтылықты сақтау, ұлттық және рухани құндылықтарды насихаттау, тұрғындардың діни сауаттылығын арттыру болып табылады.
Кездесуге Көксу ауылдық округі әкімінің аппаратының бас маманы Н. Мантубаев, бас маман Ы. Жақсылық, сондай-ақ ауыл тұрғындары қатысты. Спикерлер тарапынан діннің адамгершілік, мейірімділік, сабырлық сияқты асыл қасиеттерді насихаттайтыны, сондай-ақ қоғамда бейбітшілік пен ынтымақты сақтау жолындағы маңыздылығы туралы жан-жақты түсіндірілді.
Жиын барысында қатысушыларға жалған діни ағымдардың алдын алу, дәстүрлі ислам құндылықтарын сақтау және діни мәселелерде ресми, сенімді ақпарат көздеріне жүгінудің қажеттілігі туралы мәлімет берілді. Сонымен қатар, тұрғындар өздерін толғандырған сұрақтарын қойып, нақты жауаптар алды.
Осындай кездесулер – ауыл тұрғындарының діни сауатын арттырып қана қоймай, қоғамда рухани тұрақтылықты қалыптастыруға бағытталған маңызды қадамдардың бірі болып табылады.
