2025 жылғы 10 маусымда Шардара ауданының әкімі Арман Қарсыбаевтың төрағалығымен кезекті лездемелік аппараттық мәжіліс өтті.
Мәжіліс барысында ауданның әлеуметтік-экономикалық дамуына қатысты өзекті мәселелер қаралып, бірқатар сала жетекшілері атқарылған жұмыстар мен алдағы жоспарлар туралы баяндама жасады.
Күн тәртібіндегі негізгі баяндамалар:
▪️ Аудандық жер қатынастары бөлімінің басшысы Сержан Ильясов — жер қатынастары саласындағы ағымдағы жұмыстар мен жоспарланған жобалар туралы ақпарат ұсынды;
▪️ Аудандық жастар ресурстық орталығының басшысы Мейіржан Мұсабеков — 2025 жылдың алғашқы бес айында жүзеге асқан жастар бастамалары мен іс-шаралар жөнінде баяндады;
▪️ Аудан әкімінің кеңесшісі Батырбек Қалдарбек — «Таза Қазақстан» экологиялық акциясы аясында атқарылған жұмыстар туралы есеп берді.
Назарға алынған салалар:
Жиында ауданның инфрақұрылымдық, коммуналдық, және ауыл шаруашылығы бағытындағы бірнеше маңызды мәселе кеңінен қаралды. Атап айтқанда:
-
Туристік аймақтарға тас төсеу, жарықтандыру және электр желілерімен қамтамасыз ету;
-
Инвестициялық жобалардың іске асырылу барысы;
-
Дихандарды тамшылатып суғару жүйесіне көшіру бойынша түсіндіру жұмыстары;
-
Ағын су қарыздарын өтеу және су ресурстарын тиімді пайдалану;
-
Ауданның негізгі әлеуметтік-экономикалық көрсеткіштерін талдау.
Әкімнің тапсырмасы: тиімділік пен нақты нәтиже
Аудан әкімі Арман Қарсыбаев баяндамаларда көтерілген мәселелерге ерекше назар аударып, бірқатар кемшіліктер мен шұғыл шешуді қажет ететін түйткілдерді атап өтті. Жауапты бөлім басшыларына нақты тапсырмалар жүктеліп, атқарылып жатқан жұмыстардың уақытылы және нәтижелі орындалуы — басты талап екені баса айтылды.
Сонымен қатар, әкім мемлекеттік бағдарламалар аясындағы жобалардың тиімді жүзеге асуына басымдық беру қажеттігін атап өтіп, бақылау мен есептілікті күшейтуді тапсырды.
