«Таза Қазақстан» экологиялық бағдарламасы аясында аудан әкімі Арман Қарсыбаевтың тапсырмасына сәйкес, «Әділет» партиясымен бірлесіп, Шардара ауданында ауқымды сенбілік өтті. Тазалық іс-шарасына Шардара қаласы мен 10 ауылдық округтен 1200-ге жуық адам қатысыты. Мемлекеттік мекемелер мен кәсіпорындардың қызметкерлері, спортшылар және еріктілер туған жердің тазалығын сақтауға белсенді үлес қосты.
Сенбілік барысында жол бойындағы қураған шөптер шабылып, Сырдария өзенінің жағалауы тұрмыстық қалдықтардан тазартылды. Сонымен қатар, Ұзын ата кесенесінің аумағында тазалық жұмыстары жүргізілді.
Ауқымды сенбіліктің басты мақсаты — қоршаған ортаны қорғау, елді мекендердің санитарлық жағдайын жақсарту және тұрғындар арасында экологиялық мәдениетті қалыптастыру.
Түркістан облысының Өңірлік коммуникациялар қызметі
ШАРДАРА АУДАНЫНДА 1200-ГЕ ЖУЫҚ АДАМ ҚАТЫСҚАН АУҚЫМДЫ СЕНБІЛІК ӨТТІ
Redactor
1 мин оқу
7
