Биыл сарыағаштық шаруалар 2,1 мың гектар жерге ерте пісетін картоп өнімін егіп, қазіргі таңда алғашқы өнімдерін жинауды бастап кетті. Ауданда жалпы 75,7 мың гектар егістік жерге егін егілген. Оның ішінде 51,1 мың гектарға – астық-бұршақты және майлы дақылдар (бидай – 40,5 мың гектар, жүгері – 1,5 мың гектар, арпа – 7,9 мың гектар, күнбағыс – 224 гектар, мақсары – 910 гектар), 479 гектарға – бақша, 2,1 мың гектарға – картоп, 10,6 мың гектарға – көкөніс, 11,5 мың гектарға – мал азығы егілген.
Қазіргі таңда ерте пісетін картоп алқаптары ауданға қарасты Қабланбек, Құркелес, Жартытөбе және Тегісшіл ауылдық округтерінде жиналып жатыр.
Түркістан облысының Өңірлік коммуникациялар қызметі
