Облыс әкімі түркістандық ұстаздарды марапаттады

Түркістан облысының әкімі Нұралхан Көшеров Ұстаздар күні қарсаңында өңірдегі ардагер ұстаздарды арнайы қабылдап, марапаттады. Салтанатты кездесуде облыс әкімі ұстаздықтың ұрпақ тәрбиесіндегі маңызына тоқталып, білім саласында ұзақ жылдар бойы еңбек еткен ардагер ұстаздарға алғысын білдірді. Нұралхан Көшеров өз сөзінде ұлағатты ұстаздардың еңбегі әрдайым биік бағаланатынын айтып, ардагер педагогтарды кәсіби мерекелерімен құттықтады.