Бүгін «AMANAT» партиясы Түркістан облыстық филиалының төрағасы, облыстық мәслихаттың партиялық фракция жетекшісі Алтынсары Үмбетәлиев жұмыс сапарымен Шардара ауданына келді.
Сапар барысында аудан әкімінің орынбасары Е.Каратунов ауданда жүзеге асырылып жатқан маңызды әлеуметтік және өндірістік нысандардың іске асырылуы барысы жайлы баяндады.
А.Үмбетәлиев Шардара қаласындағы индустриялық аймақта орналасқан «Казкрахмал» жүгері өңдеу зауытында болып, кәсіпорын басшысы Р.Кияшбаевпен кездесіп зауытты іске қосу бойынша атқарылып жатқан жұмыстарын талқылады.
Сонымен қатар, А.Үмбетәлиев Шардара қаласындағы Өтеғұл шағын ауданында бой көтеріп жатқан 300 орындық жайлы мектеп құрылысының барысымен танысып, мектеп құрылысын белгіленген мерзімде сапалы аяқтау қажеттілігін атап өтті.
Шардара ауданы әкімінің баспасөз қызметі
