Қаржы мониторингі агенттігі “ҚазМұнайГаз” ҰК АҚ-тың бұрынғы басқарушы директоры Ибулла Сердіге іздеу жарияланғанын айтады.
“Қаржы мониторингі агенттігі “ҚазМұнайГаз” ҰК АҚ бұрынғы басқарушы директоры, 31.01.1976 жылы туған Серді Ибулла Жұмағұлұлына іздеу жариялады.
Азамат Ибулла Серді адамдар тобымен алдын ала сөз байласу арқылы аса ірі мөлшерде бөтеннің сеніп тапсырылған мүлкін жымқырды деген күдікке ілінді”, – делінген хабарламада.
Іздеудегі адамның тұрған жері туралы сенімді ақпарат бергені үшін ақшалай сыйақы берілетіні айтылған, анонимділікке кепілдік берілген.
