Түркістан облысының екі тұрғыны медицина қызметкерлерін бопсалаған. Олардың біреуі Жетісай қаласындағы дәмханалардың бірінен ұсталды. Тергеп-тексеру нәтижесінде полицейлер күдіктіден 32 миллион теңгені тәркіледі. Күдіктілер Мақтаарал және Жетісай аудандарында орналасқан медицина мекемелерінің қаржылық қызметі туралы ақпаратты таратпас үшін ірі көлемдегі ақша соммасын талап еткен. Ал аталған жайтты полицияға медициналық мекеменің қызметкері хабарлаған. Егер талап еткен ақшаны бермесе, мекемеге жоспардан тыс тексеру жүргіземіз деп қорқытқан. Жедел іздестіру шараларына полиция қызметкерлері мен Ұлттық қауіпсіздік комитетінің жасағы қатысты. Ал екінші күдіктіні құқық қорғаушылар Шымкент қаласынан ұстады. Олар уақытша ұстау изоляторына қамауға алынды. Егер олардың ісі дәлелденсе 5 жылдан 10 жылға дейін бас бостандығынан айырылуы мүмкін.
Дәрігерлерден 32 миллион теңге бопсалаған
1 мин оқу
13
