Түркістан облысы Сауран ауданының дихандары тегін суды сатып келген кәсіпкерге қарсы шықты. Айтуларынша, Бекботаев есімді азамат 300 гектар жерді әкімдікке өзімнің жерім деп көрсеткен. Алайда, онда халықтың да үлесі бар. Сөйтіп, шаруалардан 15 жылдан бері ақша жинап келген. Ең сорақысы алған ақшаны тиісті орынға өткізбеген. Енді мұнысы заңсыз екені анықталды.
Сауран ауданының тұрғыны:
«Балам он күн жұмыстан қалды су сұрасаң су бермейді.Ол кезек мағанк елемін дегенше бір жақты болып қалармын. Суды ақшаны кім көп тығады соған береді».
Шекербұлақта 35 шаруа 280 гектар жерді игеріп отыр. Ауыл тұрғыны 15 жылдан бері ағын су үшін тұрғындардан ақша алып, оны тиісті жерге өткізбепті. Ол аздай кім көп берсе, соған кезексіз әрі мөлшерден көп су беріп келген. Қарапайым жұрт кезегін күтіп жүргенде, егіні қурап талай күйген.
Халық бас көтерген соң бұл іске жергілікті билік пен құқық қорғау органдары араласқан. Сөйтіп, әлгі егістікке баратын суды мемлекеттік «Тұран Су» мекемесіне өткізбек. Алайда, мұнда да оны ретімен дихандарға бөліп беретін сенімді адам керек. Бұқараның қорқынышы да осы. Сол жерге әлгі азамат қайтып келе ме? -деп уайымдап отыр.
Ғани Рысбеков – Сауран ауданының әкімі:
«Су бір кезде болады. Бір кезде болмайды.Бірақ сол суды адал бөліп беріп отса халықта ешқандай мәселе жоқ».
Екі жақ бір ымыраға келер емес. Дегенмен бастамашы топ су бөлуші азаматты халық өзі сайласын деп отыр.
