Елімізде аса қауіпті инфекциялардың ошақтары таралған. Оба 10 облыстың аумағында, туляремия 12, геморрагиялық қызбалар 4 облыстың және Шымкент қаласының аумағында бар екен. Осы бір қауіпті індеттердің алдын алу үшін биологиялық қауіпсіздік туралы заң қабылданбақ. Tліміздің бас дәрігері Ажар Ғинияттың айтуынша, заң жобасы бойынша биологиялық қатерге қарсы іс-қимылдың тиімді жүйесін бірқатар бағыт аясында құру жоспарлануда. Осы бойынша білікті кадрлар әзірленбек. Қауіпті індет ошақтарында жұмыс істейтін мамандардың еңбекақы артып, арнайы жәрдемақылар белгіленеді.
Ажар Ғиният – ҚР Денсаулық сақтау министрі:
«Мемлекет басшысының тапсырмасы бойынша Қазақстанда алғаш рет «ҚР биологиялық қауіпсіздігі туралы» заң жобасы мен «ҚР кейбір заңнамалық актілеріне биологиялық қауіпсіздік мәселелері бойынша өзгерістер мен толықтырулар енгізу туралы» ілеспе Заң жобасы әзірленді. Заң жобаларын әзірлеуді Денсаулық сақтау министрлігі, 13 мүдделі мемлекеттік орган, жергілікті атқарушы органдар мен ғылыми-практикалық ұйымдарының, сондай-ақ кәсіпкерлік өкілдерінің белсенді қатысуымен жүзеге асырылды»
