Елде кедейлік деңгейі жоғары өңірлер арасында Түркістан мен Маңғыстау облыстары көш бастап тұр. Ұлттық статистика бюросының 2021 жылғы деректері осындай. Табысы ең төменгі күнкөріс деңгейіне жетпейтін халықтың үлесі – 5,2 процент құрап отыр. Мемлекет басшысы жолдауында жыл сайын 10 мың тұрғынға 100 тұрақты жұмыс орнын ашу міндетін жүктегені белгілі. Бүгінде кедейлік деңгейі жоғары өңірлерде жұмыссыздықпен күресу үшін қандай істер атқарылып жатыр? Аталған аймақтарда не себепті нәпақа табу қиын?
Аязбай Үркітов Түркістан облысындағы Нұртас ауылында тұрады. Оның екі бірдей баласы ауылында жұмыс табылмағандықтан ресейге барып жұмыс істеген. Бір өкініштісі шетелге қара жұмыс істеуге кеткен балаларымыз денсаулығынан айырылып, еңбекке жарамсыз болып келді дейді ол. Сондықтан үйдегі шаруашылықтарды жалғыз атқарып жүр.
Аязбай Үркітов–Түркістан облысының тұрғыны:
«Ауылымыздағы 80% жастар ресейге кетіп қалды. Ауылда күн көретін ешбір кәсіп түрі жоқ. Менің ұсынысым қалталы азаматтар қаладан кафе аша бермей, шағын цех, завод, салса. Ауылымызға жұмыс болар еді. Мысалы ауылымыздағы малдың терісі қаптап кене басып жатыр. Соныда бір кәдеге жаратсақ болады ғой».
Жұмыссыз азаматттарды қолдау мақсатында бүгін Түркістан облысында жәрмеңке өтті. Мұнда жұмысқа іздеп келушілердің қарасы қалың. Солардың бірі Қаратай Мейірхан. Ол осы уақытқа дейін құрылыс саласында жұмыс істеген. Келісім шарт аяқталғаннан кейін осында жұмыс іздеуге келдім дейді.
Мейірхан Қаратай–Түркістан облысының тұрғыны:
Айта кетейік Түркістан облысында еңбекке жарамды 826 мыңдай халық тұрады. Өңірдегі жұмыссыздық мәселесін шешу үшін 8200 тұрақты жұмыс орнын тауып беруіміз қажет деді Түркістан облыстық жұмыспен қамтуды үйлестіру және әлеметтік бағдарламалар бөлімінің басшысы.
Әсия Құралқызы–Түркістан облыстық жұмыспен қамтуды үйлестіру және әлеуметтік бағдарламалар бөлімінің басшысы:
«Бүгінгі өтіп жатқан жәрмеңкенің өзі солтүстік аймақтарға арналған. Яғни Кентау, Созақ, Бәйдібек, Отырар Түркістан қаласы, Сауран ауданы. Келесі мамыр айынан бастап оңтүстік өңірлерінде өткізетін боламыз».
Президент жолдауында кедейлікпен күрестің кешенді жоспары мен арнайы бағдарлама әзірлеу қажеттігін айтқан еді. Бүгінгі жауаптылар халықтың табысын арттыруға сеп болатын бағдарламамен таныстырды. Оның аясында 2 млн жаңа жұмыс орны құрылатын болады.
Ералы Тоғжанов–ҚР премьер министрінің орынбасары:
Бағдарламада 1 млн-нан астам бюджет саласы қызметкерлерінің, квазимемлекеттік сектордың, өндірістік персоналдың еңбекақысын көтеру көзделген. Бұл тізімге дәрігер, мұғалім, ғылыми қызметкер, мемлекеттік Бұқаралық ақпарат құралдары қызметкерлері еніп отыр.
