Ел Президенті Қасым-Жомарт Тоқаев Аманат партиясынан кетті. Бұл туралы ол Аманат партиясының кезектен тыс сьезінде мәлімдеді. Кетуінің негізгі себебін бейтарап болумен байланыстырды. Ешбір партияға басымдық берілмегені жөн деген ол мұны өзінің айқын ұстанымы екендігін жеткізді. Тоқаевтың айтуынша, партия атқарушы билікке тәуелді болмау керек. Сонда ғана халықтың сенімі нығайып, беделі артады.
Қасым-Жомарт Тоқаев – Қазақстан Республикасының президенті:
«Бүгіннен бастап Amanat партиясының төрағасы ретінде өкілеттігімді тоқтатып, партиядан шығу туралы шешім қабылдадым. Бұл қадамның символдық мәні бар. Осы орайда, Президент сайлауында маған сенім артып, қолдағандарыңыз үшін баршаңызға алғысымды айтамын. Сондай-ақ, жауапты сәтте партия тізгінін сеніп тапсырғандарыңыз үшін ризашылығымды білдіремін».
Аманаттың жаңа төрағасы болып Ерлан Қошанов тағайындалды. Жалпы партияның кезектен 23ші сьезінде 2 мәселе қаралды. Алғашқысы аталған партияның құрамына өзгерістер енгізу. Ал екінші қаралған түйіткілді түйін Адал саяси партиясы Аманат партиясының құрамына қосылды. Осы ретте, Түркістан облыстық филиалы жаңа бағыттағы жаңа ұстанымдарға оң көзқараста.
Алмас Әбдіқадыров – «Аmanat» партиясы Сайрам аудандық филиалының атқарушы хатшысы:
«Жалпы бүгінгі сьезге байланысты Аманат партиясы осы күнге дейін бірқатар партиямен бірігу процессі бастан өткен. Адал партиясымен бірігу бұл партия жұмысының жаңғыруына, сонымен қатар Адал партиясының құрамындағы белсенді, беделді азаматтармен партия жұмысын одан ары жаңғырту күшейе беретініне сенімдімін».
Досхан Одаманов – «Аmanat» партиясы Кентау қалалық филиалының атқарушы хатшысы:
«Аманат партиясы мен Адал партиясының қосылуы бұл қазақ елі үшін тарихи шешім болды. Қазақта жақсы сөз бар. Бірлігі жарасқан ел, үлкен жетістікке жетеді дейді. Сондықтан аманат пен Адал партиясының мүшелері бірлесіп, жұмыла көтерген жүк жеңіл дейді алдағы уақытта қазақ елінің жаңғыруына бірлесіп қызмет жасаймыз деп сенім білідреміз».
