АҚШ Мемлекеттік Хатшысы Энтони Блинкен мен Қорғаныс Министрі Ллойд Остин Киевке келіп, Владимир Зеленскиймен кездесті. Бұл соғыс басталғалы бері АҚШ өкілдерінің алғаш рет Украинаға келуі. Құр қол келмей, әскери және гуманитарлық көмек ала келді. Жақын арада Энтони Блинкеннің айтуынша АҚШ Президенті Джо Байден тағы 700 млн еуро әскери көмек бөлу туралы жарлыққа қол қойды. Бұл көмек Украинаға Кеңес Одағынан қалғамн әскери техниканы беріп отырған Чехия, Польша және Словакия секілді мемлекеттерге беріледі. Атап өтер жайт, Блинкен және Остиннің келуі Украинада қауіпсіздік мақсатында құпия ұсталып келді.
Энтони Блинкен – АҚШ Мемлекеттік хатшысы:
«Біз өзіміздің Киевке келіп, Украина билігімен көзбе-көз кездесу керек болды. Біз келіссөз арасында тағы қандай көмек керектігін сұрап, білдік. Біздің құрған стратегиямыз, яғни, Украинаны жан-жақты қолдау өз жемісін берді. Ол жобамызға 30-дан астам мемлекет көмек берді. Соғысқа келер болсақ, Ресей жеңілу үстінде. Олар, Украинаны тәуелсіздігінен айыру мақсатын қуды. Бірақ, ол дегенінен түк шықпады».
