Қарағанды облысында қалың қар жауды

Қарағанды облысында қалың қар жауды. Ауа райының бұзылуы — алдын ала хабарланған. Тұрғындар түсірген видеода үй аулаларында тұрған көліктер мен жолдарды қар басып қалғаны көрінеді. Салдарынан Алматы-Екатеринбург тас жолының Қарағанды-Балқаш бөлігінде көлік қозғалысы біраз қиындаған еді. Қазір жолдағы жағдай қалыпқа келтірілді. Синоптиктердің болжауынша, бүгін түнде де облыстың оңтүстік аумағында да қар аралас жаңбыр жауып, кей жерлерде жел екпіні күшейеді.