«Құбыр бар бірақ газ жоқ!». Саурандықтар Энергетика министріне осылай базынасын білдірді. Арнайы іс сапармен келген Болат Ақшолақов өңірдің энергетикалық әлеуетімен танысты. Кентаудың жылу электр орталығын да аралап, жағасын ұстады. Тозығы жеткен қазандықтарды «тез арада ауыстыру керек» деп жауаптыларға тапсырма берді. Еліміздің бас энергетигі басқа қандай мәселелерді сөз етті?
«Газ құбыры тартылғанымен, әлі іске қосылмаған». Көгілдір отынның рахатын көрмеген тұрғындар Энергетика министрінен көмек сұрады. Түркістанға арнайы келген Болат Ақшолақов сапарын тұрғындармен кездесумен бастады. Ал, халық бірдестен көкейдегі сауалдарын қаршадай жаудырды.
Гүлнар Ибадуллаева — Сауран ауданы, Ораңғай ауылының тұрғыны:
«Біз Сауран ауданы жаңадан құрылған аудандардың бірі. Сол аудандарға қарасты газ құбырлары үйге дейін тартылып тұр.Алайда газды қосылмады. Көмір,от жағып әлі әбіржіп жатырмыз. Қашан жұррт қатарлы көгілдір отынды қолданып, жұмыс жеңілдейді екен»
Түркістан облысына қарасты Сауран ауданының кей нысандарында газ қосылмағанынан министр хабардар екен. Бұл құбыр тартқан компанияның салғырттығы дейді. Олқылықтың алдын алу үшін тиісті жұмыстар жасалуда деп сендірді.
Болат Ақшолақов – ҚР Энергетика министрі:
«Газбен жабдықтау бойынша айтар болсам, соңғы кезде салынған құбырлардың сапасы нормативтік тәртіптерге келмейтіні анықталды. Сол құбырларды жаңарту керек. Осындай сапамен газ қоса салсақ өте қауіпті».
Министр ат басын Кентауға да бұрды. Жылу электр орталығын аралап, қаланы жылытып отырған 6 қазандықты күрделі жөндеуден өткізу керек дейді. Тозығы жеткен техника жанармайдың соры екен.
Болат Ақшолақов – ҚР Энергетика министрі:
«Бүгін әкімшілікке бәріне жеткіздім өз хабарымды. Бұл қалай болса да қаржыландыруы тиіс. Қажетті қаражат әлі бөлінбеген. Бірақ осы жылыту маусымға дейін бұл жұмыс аяқталады деп сенемін. Бұл станцияныңы жасы 60 жастан асып кетті. 70 жасқа жетіп қалды. 1955-56 жылдары салынған станциясы.Тозу деңгейі 88 пайызды құрап тұр. Басқа сөзбен айтқанда биыл өтететін болсақ, жаңа станцияның құрылысын қайта салу керек. Әйтпесем бұл өте қауіпті».
Өкінішітісі, жаңырғыртуға келгенде қаржыландыру қарастырылмаған екен. Жылу желілерін алдағы жылыту маусымына дайындау үшін 3 млрд теңгеден аса қаражат керек. Мұны ескерген министр үкіметтен ақша бөлу тетіктерін қарастырамын деп кетті.
