Сайлауда жеңіске жетсем, Украинаға қару беруді тоқтатамын. Франция президенттігіне үміткер Марин Ле Пен жақтастармен өткен жиында осылай мәлімдеді. Сондай-ақ ол елді НАТО құрамынан шығаруды көздеп отыр. Осыған орай, бұл жиын өткен орында бірнеше адам наразылық акциясын өткізді. Олардың айтуынша, Ле Пен Францияны Путиннің тәуелді етуді мақсат етуде.
Өзінің сайлауалды компанияларына ақшаны Ресейден алып отырған Ле Пен бүкіл Еуропаға кереғар мінез танытып отыр. Саясаткер НАТО Францияның Ресеймен достасу талаптарын орындамаса, альянстан шығу керектігін де айтуда. Одан бөлек, Еуропалық Одаққа да қарсы ұрандар айтылды. Ле Пеннің қарсыластары бұның барлығы Путиннің бұйрығымен жасалып отыр деп санайды.
Марин Ле Пен – Франция президенттігіне үміткер:
«Украинаға қару жіберу қауіпті. Бұл қадам бізді Ресейге қарсы соғысушылар қатарына қосуы мүмкін. Ресей мен Украина арасында соғыс аяқталғанда НАТО мен Ресей арасындағы жақындастыру процессі бойынша бастама көтеремін. АҚШ Ресей мен Қытайдың достасқанын қаламайды. Сондықтан, олар Еуропалық Одақ және НАТО Ресейді өз құрамына қабылдауын қолдауы тиіс деп ойлаймын».
Ле Пеннің қарсыластары болса, ол Францияны құрдымға кетіреді дейді. Франция секілді ұлы, алпауыт мемлекет 24-і сәуірден кейін диктатор Путиннің Еуропадағы қолшоқпарына айналуы мүмкін. Бұл кәрі құрлықтағы барлық демократиялық құндылықтарға қауіп төндіреді деген бір топ адам наразылық акциясын ұйымдастырды.
Доминик Сопо – «SOS RACISM» ұйымының жетекшісі:
«Ле Пеннің сайлануы Путин режимінің Франциядағы бөлімшесінің ашылуын білдіреді. Біз бұған кедергі келтіруіміз керек. Франция Ресейге тәуелді болмауы тиіс. Ол аздай, Францияда нацистік саясат жүргізуді қолдап отыр».
Айта кетер жайт, Ле Пен өзінің 2017-і жылғы сайлауалды компаниясына қаржыны ресейлік банктердің бірінен несиеге алғаны дәлелденген. Ол берешегін әлі төлеп бітпей жатып, биылғы сайлауға тағы несие алды деген ақпарат тарауда.
