Жамбыл облысының әкімі ауысты. Лауазымды қызметке Нұржан Нұржігітов тағайындалды. Ол 1967 жылы туған, білімі жоғары. Еңбек жолын 1991 жылы Жуалы ауданы Максим Горький атындағы колхозда механик болып бастаған. Кейіннен әкім апаратында түрлі жауапты қызмет атқарған ол, 2021 жылдың сәуірінен бастап облыс әкімі орынбасары болған. Ал жылы орнын босатқан облыстың экс-басшысы Бердібек Сапарбаевтың қандай қызметке ауысқаны әлі белгісіз. Ал жаңа әкімді премьер министр Әлихан Смайловтың өзі келіп таныстырды.
Сондай-ақ, Қызылордалықтарға да жаңа басшы келді. 2 жыл қатарынан облыс әкімі болған Гүлшара Әбдіқалықованың орнына Нұрлыбек Нәлібаев тағайындалды. Айта кетейік, Нұрлыбек Мәшбекұлы 1976 жылы Қызылорда облысында туған. 1998 жылдан бастап ол мұнай газ саласында бірнеше жыл басшылық қызметтер атқарған. Ал Атырау облысының әкімі болып Серік Шәпкенов тағайындалды. Ол Қазақстан Республикасының Еңбек және халықты әлеуметтік қорғау министрі лауазымынан босатылды.
