Жыл сайын 700 мыңға жуық адам суицид жасайды. Бұл туралы Денсаулық сақтау ұйымының Қазақстандағы ресми өкілі мәлімдеді. Оның айтуынша, бұл ел мен қоғамды алаңдатарлық жағдай. Ал өзіне қол жұмсауға әртүрлі факторлар әсер етуі мүмкін. Осындай жаға ұстатарлық сандарға Үкіметтегілер басты назар аудару керек екендігін жеткізді. Стратегиялық жоспарда да осы есептер басшылыққа алынуы керек дейді.
Кэролайн Кларинваль – ДДСҰ ресми өкілі:
«Ол психологиялық, әлеуметтік және тағы басқа фактор болуы мүмкін. Оған зорлық-замбылық, даулар мен оқшаулану, жабырқау, күйзеліс те суицидке алып келуі мүмкін. Сондықтан біз көмекке зәру адамдарға қол созуымыз керек. Сол арқылы біз қайғылы жағдайдың алдын аламыз».
Қазақстан бойынша да өз-өзіне қол жұмсау жағдайлары көбейген. Әсіресе, 2015-2021 жылдар аралығында суицид жасау дерегі артқан. Статистика бойынша, халықтың 27,6 проценті өмірімен қош айтысуға ниеттенген. Ал оны жасауға әрекет ету үлесі 10,1 процентке өскен.
