Өзіне қол жұмсамақ болған болған Мөлдір Бекееваға қатысты сотқа дейінгі тергеу тоқтатылды

Өзіне қол жұмсамақ болған Шымкент полиция департаментінің экс -баспасөз хатшысы Мөлдір Бекееваға қатысты сотқа дейінгі тергеу тоқтатылды. Бұл туралы Шымкент қалалық полиция департаменті хабарлады. Оған жедел басқару орталығы қызметкерін балағаттап, дауыс көтерді деген айып тағылып, үстінен “Билік өкілін қорлау” бабы бойынша қылмыстық іс қозғалған еді. Алайда қазір полиция бұл іс дұрыс сараланбағанын мойындады. Айта кетсек, Шымкент қаласы полиция департаментінің ресми өкілі Мөлдір Бекеева өзіне қатысты даудан кейін суицид жасамақ болған. Қазір журналист ауруханада. Дәрігерлер оның жағдайын тұрақты ауыр деп бағалап отыр.