Халықтың кірісін арттыратын бағдарлама қабылданғанмен, елдің әл-ауқаты күннен күнге төмендеп барады. Тіпті жұрттың басым көпшілігі бұл бағдарламаларға сенгілері де келмейді. Депутат Ерлан Сайыров осылай деп, шенеуніктерді бір сынап алды. Оның айтуынша, елден келетін сұрақтардың басым бөлігі табысты арттыруға, кедейлік деңгейін төмендетуге қатысты. Алайда осы мәселелерді сөз еткен депутаттар министрмен сөзге келіп қалды.
Бүгінгі мәжіліс отырысы бұрыңғыдан өзгерек. Себебі, депутаттар өңірлдерге шығып, тұрғындардан естіген мыңнан астам мәселесін Үкімет қарауына жіберді. Шалғайдағы ауылда интернет, медицина саласы, жол, оқу-ағарту саласындағы проблемалар шаш етектен. Депутат Ерлан Сайыров шенеуніктерге кабинеттен шығып, азаматтардың тұрмыс-тіршілігін өз көздерімен көруді ұсынды.
«Ал мәжілісмен Еділ Жаңбыршин Сауда министрі Бақыт Сұлтановқа шүйлікті. Халық қалаулысы Сұлтановқа азық-түлік бағасын тұрақтандыру бойынша сауал жолдаған еді. Алайда депутатқа оның бергені жауабы ұнамаған сыңайлы».
Еділ Жаңбыршин — ҚР Парламенті мәжілісінің депутаты:
«Мен нақты 3 сұрақ қойдым. Бақыт Тұрлыханұлы, сіз деген бірнеше жыл министр болып отырсыз. Сұрағыма нақты жауап бермейсіз бе? Біріншіден, елдің азық-түлік балансы жасалды ма? Екіншіден, Үкіметте азық-түлік қауіпсіздігін қамтамасыз ету бойынша жоспары бар ма? Үшіншіден, кәсіпкерлік пен бюджеттен басқа қандай жолдар бар бағаны ұстайтын? Осы сұрақтарға жауап бермедіңіз ғой. Біраз нәрсе айттыңыз, ішінде ештеңе жоқ. Сорпаның ішінде түйір жоқ».
Өз кезегінде Ерлан Қошанов та министрдің нақты жауап беруін сұрады.
Бақыт Сұлтанов – ҚР Сауда және интеграция министрі:
«Айттым ғой, Ауыл шаруашылығы министрі де айтып өтті. Нақты жоспар қабылданды. Екі-үш жыл ішінде импортқа тәуелділікті төмендетеді. Сондықтан баланс бар. Нақты толығырақ жауап керек болса, АШМ басшысы жауап берсін».
ЗКТ: Ал Мәжіліс депутаты Жұлдыз Сүлейменова пандемия кезінде білім сапасы төмендеп кеткенін айтып дабыл қақты. Мұндай жағдай Түркістан, Маңғыстау облыстарында өткір тұр. Сондай-ақ ауыл мектептерінің көбі күрделі жөндеу көрмеген. Және оқушы орнының тапшылығы сезіледі.
Жұлдыз Сүлейменова – ҚР Парламенті мәжілісінің депутаты:
Түркістан, Маңғыстау облыстарындағы білім теңсіздігі бізді алаңдатып отыр. Ауыл мен қала арасындағы ғана емес, жалпы өңір арасында білім теңсіздігі күшейіп келеді. Оны шешуді қазір қолға алмасақ, кейін кешігіп қаламыз. Тозығы жеткен ауыл мектептеріндегі күрделі жөндеу жұмыстары да өзекті болып тұр. Бұл үш ауысымды апатты жағдайдағы мектептер проблемасын шешуде өзекті.
Еске салсақ, 2 ай бұрын депутаттар еліміздің барлық өңіріне барып, сайлаушылармен 1600-ге жуық кездесу өткізді. Мәжіліс төрағасының айтуынша, онда айтылған проблемалардың бәрі нақты әрі жүйелі түрде шешілуге тиіс. Олар депутаттардың жіті бақылауында болады.
