Елімізде жасөспірім қыздардың 60 пайызы темекі шегеді. Бұл туралы бүгін Үкімет отырысында Денсаулық сақтау министрі Ажар Ғиният айтты. Мамандар жүргізген арнайы зерттеулер нәтижесі жастардың 17-18 жастан бастап никотинге тәуелді болатынын көрсеткен. Сондай ақ ведомство басшысы жастар арасында электрондық темекіге әуестік күрт өскенін атап өтті.
Сонымен қатар, ведомство басшысы ел азаматтарының алкогольге тәуелді екендігін де айтты. Халықтың өлім – жітіміне де көбіне осы фактор себеп болатын көрінеді. Себебі, еліміздегі ер адамдар жылына 25 литр, ал нәзік жандылар шамамен 9 литр ащы су ішеді екен. Осылайша, Қазақстан алколгольді тұтыну деңгейі жоғары елдердің алғашқы ондығын түйіндеген.
