“Қазақстан халқына” қорына 4 балаға ең қымбат дәрі алынды

Қазақстан халқына қорының есебінен 4 балаға әлемдегі ең қымбат дәрі сатып алынды. Олар омыртқа бұлшық етінің атрофиясына шалдыққан. « Ем үшін 3,7 млрд теңге бөлінген. Бұл қаражат золгенсма препаратын сатып алу үшін жұмсалған. Науқастар ауруханаға жатқызылды. Әр науқасқа дәрілік затты жеке өндіру үшін биоматериалдар алынды. Бірінші балаға препарат 26 наурызда енгізілді, қалғандарын 8 сәуірге дейін енгізу жоспарлануда», -деп жазылған қордың сайтында. Сондай-ақ қаңтар оқиғасынан зардап шеккендерге 495 милион теңге қайырымдылық көмек көрсетілген. Оның ішінде қаза тапқан әскери қызметкерлердің отбасыларына 133 милион теңге бөлінген. Ал ауыр жарақат алған ұлттық қауіпсіздік комитетінің қызметкерлеріне 318 милион теңге беріледі.