Интернет алаяқтары азаяр емес

Қазақстанда интернет алаяқтық фактілері қаптап кетті. Былтыр бір жылдың ішінде 21 мыңнан астам осындай қылмыс дерегі тіркелді. Ал Түркістан облысында жыл басынан бері 140 факті анықталыпты. Арнайы тексеру жұмыстарының нәтижесінде аталмыш қылмыс адам көп шоғырланған жерде болатыны анықталған. Интернет-алаяқтық қылмыстарға қатысы бар 9 адамға қатысты сот үкімі шыққан. Мамандардың айтуынша, көбіне алаяқтар азаматтардың атына микрокредиттік ұйымдардан онлайн қарыз рәсімдейді екен. Ең сорақасы тұрғындар аңғалдығының кесірінен өздері тұзаққа түсіп жатыр.