Кәрім Мәсімов қылмыстық кодекстің 5 бірдей бабы бойынша тергелуде. Бұл туралы Ұлттық қауіпсіздік комитетінің тергеу тобы мәлімдеді. Тарқатып айтар болсақ, 366-баптың 4-бөлігі – пара алу; 362-баптың 4-бөлігінің 3-тармағы –лауазымдық өкілеттіктерді асыра пайдалану; 175-баптың 1-бөлігі – мемлекетке опасыздық жасау сондай-ақ 179-баптың 3-бөлігі – ҚР Конституциясын бұзып, билiктi күшпен басып алуға тырысу. Айта кетсек, комитеттің экс басшысына қатысты қамауға алу түріндегі бұлтартпау шарасын үш айға ұзартты. Ал оның мүлкі сот шешімі бойынша тәркіленген.
– 366-баптың 4-бөлігі – пара алу;
– 362-баптың 4-бөлігінің 3-тармағы – билікті немесе лауазымдық өкілеттіктерді асыра пайдалану;
– 175-баптың 1-бөлігі – мемлекетке опасыздық жасау;
– 179-баптың 3-бөлігі – ҚР Конституциясын бұзып, билiктi күшпен басып алуға немесе билiктi күшпен ұстап тұруға не Қазақстан Республикасының конституциялық құрылымын күштеп өзгертуге бағытталған әрекеттер;
– 218-баптың 3-бөлігі – қылмыстық құқық бұзушылықтардан түскен табыстар болып табылатын мүлікті конверсиялау немесе аудару түрінде мәмілелер жасасу арқылы қылмыстық жолмен алынған ақшаны және өзге мүлікті заңды айналымға тарту не мұндай мүлікті иелену және пайдалану.
