Түркістан облысында ірі жол-көлік апаты болды. Сарыағаш ауданынан өтетін республикалық маңызы бар «Жетісай-Жібек жолы» тас жолының 201 шақырымында «NISSAN» автокөлігі қарама-қарсы бағытқа шығып кеткен. Салдарынан Литвалық «MAN» маркалы автокөлік тасымалдаушы жүк көлігіне соқтығысқан. Қақтығыстан тағы бір темір тұлпар зардап шеккен. Апат кесірінен «NISSAN» көлігінің жүргізушісі оқиға орнында қайтыс болды. Оқиғаның толық мән-жайы анықталу үстінде.
Төлен Медетов — Полиция аға иснпекторы:
«Құрметті жүргізушілер жолда жүргенде жылдамдықты асырмай, жол қозғалысы ережесін сақтаңыздар. Жол қателікті кешірмейді, керісінше мұқияттылық пен сақтықты талап етеді! Сонымен қатар жаңбырлы маусымда жол тайғақ болуы мүмкін екенін де ескеріңіздер. Қолайсыз ауа райында аса қатты қажеттілік болмаса, жолға шықпаңыздар!»
Жалпы, Өткен жылы елімізде 40 мыңнан аса адам жол апатынан көз жұмған. Осыны айтып сенатор Ақмарал Әлназарова дабыл қақты. Себебі жағдай 2020 жылғы көрсеткіштен 30 процентке жоғары. Депуттаттың айтуынша, статистикалық деректің артуына бірнеше фактор себеп. Бұл жол инфрақұрылымының сәйкес келмеуі, жүргізуші куәліктерін беру кезіндегі бақылаудың нашарлығынан. Полицейлердің алғашқы медициналық көмек көрсетудегі практикалық дағдыларының жеткіліксіздігі де сеп болып отыр дейді.
Ақмарал Әлназарова – ҚР Парламенті сенатының депутаты:
«Жол-көлік оқиғаларындағы өлім-жітім бойынша әлемдік рейтингте Қазақстан 107-орында тұр. Халықаралық сарапшылар жол-көлік оқиғаларынан болатын еліміздің экономикалық шығындары жалпы ішкі өнімнің 3% көлемінде деп бағалаған. Соңғы 5 жылда 1 971 адам жол апаты салдарынан мүгедектікке тап болды».
