Түркістан облысының азаматы 8-ші наурыз қарсаңында 6 миллион теңгеге шығындалыпты. Ол жылына бір келетін мейрамда сүйіктісіне ерекше сый жасамақ ниетте екен.
Той бөлек қойсақ та, жылына бір келетін 8 наурызда ер азаматтардың айтарлықтай шығындалатыны анық. Өйткені осы күндері қыздардың көңілінен шығатын тауарлардың бағасы да шарықтап шыға келеді. Бірі анасын, жұбайы, әпке-қарындас, жақындарын қуантуға асығады. Осы орайда қыз келіншектерден мерекеде қандай сыйлық алғысы келетіндіктерін сұрап көрдік.
Нәзік жандыларды құшағын бұл күні гүлсіз елестету мүмкін емес. Тиісінше гүл дүкендерінің де саудасы жақын күндері қыза түседі. Сатушылар бүгіннің өзінде таңнан бері тапсырыс қабылдаудан қолымыз босамады деп отыр. Тіпті өткен жылмен салыстырғанда нәзік өсімдікке деген сұраныс артқанын айтады.
Айта кетейік, биыл Қазақстанға 1 мың тоннадан астам гүл әкелінген. Ол үшін кәсіпкерлер 8 млн доллар жұмсапты. Оның басым бөлігі раушан гүл екен. Дегенмен, қыз келіншектеріміз тек 8 наурызда ғана емес жылдың 365 күнінде алақанға салып аялап жүрсек те артық етпейді дегіміз келеді.
