Қайықта әуелетіп жүрген Эльмира Төлееваның негізгі мамандығы — мұғалім. Алайда азаматшаны көпшілік балықшы әйел ретінде таниды. Себебі осы кәсіпті қатар алып жүргеніне 14 жылдан асыпты. Ол ауыр жұмыс істеп жүрмін деп, әйел заты өзінің нәзік жанды екенін ұмытпауы қажет дейді.
Балықшы әйелдің айтуынша 14 жыл отасқан жолдасы оның кез-келген бастамасын қолдап, көмектеседі екен. Жанұямызда ер адамның, әйел адамның жұмысы деп бөліп жармаймыз дейді біздің кейіпкер.
Эльмира Төлеева — балықшы әйел:
«Еркекетің жұмысы, әйелдің жұмысы деген жоқ. Жолдасым ауырып қалса, мен жасап кетем барлық шаруаны, мен ауырып қалсам ол да барлық жұмыстарды бөліп жармай жасай береді. Бұл ауызбіршіліктің белгісі деп санаймын өзін».
Келіншек балықты аулап қана қоймай одан той-жиынға түрлі тағам әзірлеп, несібесін тауып жүр. (үй іші) Балық аулау мен ұстаздықты қатар алып жүрген ол бір отбасыны айрандай ұйытып отырған аяулы жар, ардақты ана, үлгілі келін.
Эльмира Төлеева — балықшы әйел:
«Қыз келіншектер көбіне сұрап жатады қалай барлығына үлгересіз деп. Біз үлгермейміз деп. Оның барлығы сылтау. Ниет болса барлығына үлгеруге болады».
Жеті қырлы азаматша бүгінде өз білген-түйгенін әлеуметтік желі арқылы бөлісуді әдетке айналдырған.
