Табиғаты нәзік әйел түгіл ерлердің өзі беттей бермейтін ауыр салалардың бірі- жол. Ел мен елді, жер мен жерді, алыс пен жақынды байланыстырып жатқан сан мыңдаған шақырым жол — тіршіліктің тамырындай. Барлық салаға жан бітіреді. Ал сол жолдардың құрылысы, күтімі – өте қиын жұмыс. Осы қиын жұмысты еңсеріп жүрген әйел жолшылар да жоқ емес. Соның бірі – Зайра Шаймұратқызы мен Үрилла Ботақараева.
Үрилла Әмірқызы жол саласында жүргеніне 20 жылдан асқан. Еліміздің ең ірі инфрақұрылымдық жобаларына қатысқан тәжірибелі инженер. «Батыс Еуропа – Батыс Қытай транзиттік» автодәлізі, елімізде салынып жатқан тұңғыш жерасты жолы құрылысына атсалысқан. Ол жол құрылысына қолданылатын түйір тастан бастап бутим, асфальт, бетон сапасына дейін сараптама жасайды.
Үрилла Ботақараева- Жолшы инженер:
«Бұл сала үлкен жауапкершілік пен шыдамдылықты талап етеді. Қызығы мен қиындығы да мол. Бұл салада әйел тұрмақ маман тапшы. Мектеп оқушыларымен кездесеміз. Жолшы мамандығының маңызын түсіндіреміз. Жастардың, әсіресе қыз балалардың арасынан жолымызды жалғайтын жастар шықса нұр үстіне нұр болар еді».
Ал Зайра Шаймұратқызы салынған жолдардың тақтайдай тегістігін, ұзындығы мен еңістігін, кеңдігін, енін, төсемінің қалыңдығын, тіпті жол белгілері мен таңбаларының жарыққа шағылысу коэффицентін, бояуларының анықтығы мен қанықтығын дейін тексереді. Заманауи құрылғылары жоғары кәсіби сараптама жасауға мүмкіндік береді.
Зайра Шаймұратқызы – Жолшы инженер:
«Ауа райының ыстық суығына қарамастан әйел адамға жолда жүру оңай емес. Алайда осы қызметіміздің маңыздылығына , жауапкершілік талап етеді. Мен өз мамандығымды жақсы көремін».
Фурхат Жоланов- «Жол активтері ұлттық сапа орталығы» РМК облыстық филиалы қызметкері:
«Анамыздай, апамыздай болып кеткен, орындары өте ерекше, еңбектері жоғары. Сол кісідлерге қарап өсеміз. Үнемі көмектеседі, ақыл-кеңес береді».
Үрилла Әмірқызы мен Зайра Шаймұратқызы- жол саласындағы санаулы, таптырмас мамандар. Білікті инженерлер қашанда сұранысқөа ие. Олардың терең білімі, мол тәжірибесі, көргені мен көкейге түйгені – жас жолшыларға үлгі
