Қазақстанның бас прокуроры тағайындалды. Бұл қызметке Берік Асылов жайғасты. Генерал лейтенант осыған дейін Бас прокурордың бірінші орынбасары болып жұмыс істеген. Қасым-Жомарт Тоқаевтың аталған ұсынысын сенаторлар бір ауыздан қолдады. Берік Ноғайұлы 1991 жылдан бастап осы уақытқа дейін прокуратура органдарында қызмет атқарған. Ведомства басшысын әу дегеннен журналистер қыспаққа алды. Қоғамды толғандырған сұрақтың бірі қаңтардағы қақтығыс кезінде қаза болғандардың аты-жөні қашан жарияланады?
Берік Асылов – ҚР Бас прокуроры:
«Қаңтар оқиғасында қаза болғандардың толық тізімі міндетті түрде жарияланады. Оған өздеріңіз де куә боласыздар. Бірақ нақты қашан шығатынын айта алмаймын».
