Диплом бар, жұмыс жоқ. Жоғары оқу орындары мен колледж түлектерінің 30%-ы жұмыссыз қалып қояды тағы 30%-ы өз мамандықтары бойынша қызмет етпейді. Сенатор Бейбіт Исабаев халықты жұмыспен қамту саласына алаңдаушылық білдірді. Біліктілігі болса да, жалақысы төмен жұмысқа тұрады. Сондай-ақ Депутат олқылықтың алдын алу үшін мемлекеттік органдардың үйлесімді бірлескен жұмысы кезінде ғана жүйелі шешілетінін атап өтті.
Бейбіт Исабаев- ҚР Парламенті сенатының депутаты:
«Елімізде қалыптасқан еңбек нарығының бүгінгі жағдайына терең, жан-жақты талдау жүргізу қажет. Жалпы халық санының, жаңа еңбек ресурстарының өсу динамикасын еліміз экономика секторларының өсіммен тікелей байланыстыра отырып, алдағы 5 жылға еңбек ресурстарына сұраныстық болжам жасалуы тиіс. Оқу орындарының бағдарламалары мен стандарттарын осы сұранысқа, жұмыс берушілердің өндірістік дағды-талаптарына сай әзірленгенінде ғана еңбек нарығындағы сұраныс пен ұсыныстың теңгерімділігіне қол жетеді».
