Ерлан Тұрғымбаев қызметінен босатылды

Президенттің жарлығымен ішкі істер министрі Ерлан Тұрғымбаев қызметінен босатылды, деп хабарлады Ақорданың ресми сайты. Ерлан Заманбекұлы Тұрғымбаев осы қызметке 2019 жылы ақпан айында тағайындалды. Бұған дейін алты жыл бойы министрдің орынбасары болды. Тергеу комитетінің төрағасы, сондай-ақ Алматы қаласы және Солтүстік Қазақстан облысы полиция департаменттерін басқарды. Ішкі істер министрі қызметіне Марат Ахметжанов тағайындалды. Ол бұған дейін Сыбайлас жемқорлыққа қарсы іс-қимыл Агенттігін басқарды