Қор нарығында доллар 15 теңгеге қымбаттады. Доллар бағамы 23 ақпанмен салыстырғанда 15,23 теңгеге өскен. Бүгінде АҚШ долларының орташа құны 452,49 теңге болды. Ал Елордада айырбастау пунктерінде доллар бағасы шарықтады. Курс.кз сайтының дерегінше, доллар Нұр-Сұлтанда 470 теңге болса, Алматыда тіпті 472-ден саудаланып жатыр. Ұлттық банк теңге бағамын тұрақты ұстап тұру үшін бүгін валюталық интервенция жасады. Оның құны 104 млн доллар. Жалпы осы аптада 137 млн долларға интервенция жүргізілді. Ал сарапшы Сәбит Баймағамбетов ресейге салынған санкциялардың әсері экономикаға үлкен әсер ететінін айтады.
Cәбит Баймағамбетов – сарапшы:
«Әр санкция жарияланған сайын біздің валюта бағамымызда ойнақылық арта түседі. Ол экономикамызда белгісіздің тудырады. Сол себепті бұл бірінші кезекте валюта бағамына, екінші кезекте Ресей біздің ең сауда серіктесіміз болып табылады. Сол себепті ол елдің экономикасына әсер еткен барлық фактор, бізге де айналып келіп әсер етеді».
