Қазақстан Украина еліне бітімгерлерді жібере алмайды. Өйткені бұл мемлекет Ұжымдық қауіпсіздік туралы шарт ұйымының мүшесі емес. Сенат төрағасы Мәулен Әшімбаев осылай деп мәлімдеді. Сондай-ақ ол Ресей де, Украина да бізге өте жақын елдер деді. Сондықтан келіссөз үстеліне отырып, мәселені дипломатия жолымен шешуге әлі де кеш емес дейді ол.
Мәулен Әшімбаев – ҚР Парламенті сенатының төрағасы:
«Біздің ұстанымымыз, екі жақ та бізге жақын мемлекеттер. Біздің бауырлас елдер деп айтуға толық негіз бар. Ресей де, Украина да. Енді оның бәрін білесіздер, тарихымызды білесіздер. Қарым-қатынастарымызды білесіздер. Осы себепті шиеленістің бейбіт жолмен шешілуіне мүдделіміз. Және бейбіт жолмен шешілуіне өзіміздің үлесімізді қосуға дайынбыз».
