Қанша қазақстандық ерекше датада неке қиюға өтініш білдірді?

Бүгінгі ерекше датада электрондық үкімет порталына неке тіркеуге 800-ге жуық өтінім келіп түскен. Мәселен, 1 ақпанда неке тіркеуге небәрі 14 өтініш берілген. Демек, қазақстандықтар “Ерекше” даталардың мистикалық күшіне сенеді десек қателеспейміз. Күн оңнан солға және солдан оңға қарай бірдей оқылады. Нумерологтардың айтуынша, мұндай күн кез-келген бастама үшін жақсы уақыт. Сонымен қатар, ерекше даталар әлемдегі жаһандық оқиғалардың барысына да әсер ету мүмкіндігі зор дейді олар. Жалпы, елімізде жыл басынан бері – 23 394 азамат eGov арқылы неке қиюға ниет білдірген.