VIP нөмірлерге 6 млрд теңге жұмсаған

Қазақстандықтар көліктің VIP-нөмірін сатып алуға былтыр 6 млрд теңге жұмсады. Бұл көрсеткіш екі жыл бұрыңғы сомадан 2 миллиард теңгеге артық. Жалпы темір тұлпардағы VIP сандардың құны нөмірлер мен әріптердің комбинациясына байланысты 174 591-ден 872 955 теңге шамасында бағаланған. Мемлекеттік нөмір иесі оны үшінші тұлғаға бере алмайды және сата алмайды. Сондай-ақ, автокөлік сатылған жағдайда иесі нөмірді жаңа автокөлік сатып алғанша мамандандырылған ХҚКО-да 6 айға дейін сақтауға қалдыра алады. Бүгінде әдемі сандар мен әріптердің тізбегін көп сатып алатындардың рейтингінде әуелі Алматы, Шымкент, Нұр-Сұлтан қалаларының тұрғындар көш бастаған.