Келес ауданындағы Ынтымақ елді мекенінің тұрғындары 2022 жылы таза ауыз суға қол жеткізбек. 2500-ден астам адам тұратын алақандай ғана ауылды осыған дейін тіршілік нәрі әкімшілік тарапынан беріліп келсе керек.
Аптасына бір отбасына 80 литрге дейін үлестіріліпті. Қазірде аймақтағы жерасты су қорына 2 жыл бойы геобарлау жүргізген зерттеушілер оң қорытынды алған. Тиісінше мердігер анықталып, қазба, ауыз су жүйесін тарту ісі қарқынды жүргізілуде. Құбырдың ұзындығы 74 шақырым. 40 шақты жергілікті тұрғын жұмыспен қамтылған. Жобаның жалпы құны 1 млрд. теңгеге жуықтайды.
Бақытжан Шырынбеков, аудандық тұрғын үй коммуналдық шаруашылық бөлімі басшысының м.а:
«Жалпы аудандағы 12 елді мекенде таза ауыз су құрылыс монтаж жұмыстары жүргізілуде. Ағымдағы жылы 2 елдімекеннің мемлекеттік қабылдау рәсімдері жүргізілді. Ешқандай қате кемшіліктер анықталмады. Қазіргі таңда ауыз сумен қамту көрсеткіші 69 пайызды құрап отыр. 2025 жылға дейін 100 пайыз қамтылады».
