НАТО елдерінің Сыртқы Істер Министрлері Латвия астанасы Ригада жиналды. Күн тәртібінде – Грузия және Украинаның Солтүстік-Атлантикалық альянсқа мүше болу мәселесі. Сонымен қатар, бүкіл әлемді алаңдатып отырған Ресей-Украина шекарасындағы шиеленіс те талқыланды.
НАТО Бас Хатшысы Йенс Столтенберг Грузия мен Украина Сыртқы Істер Министрлеріне одақ тарапынан барынша қолдау көрсетілетіні туралы айтты. Дегенмен, күн тәртібіндегі мәселе бұл ғана емес. Ресей мен Беларусьтың Украинамен шекарадағы әскерилерінің көптігі одақты алаңдатуда. Сондықтан, НАТО осы шиеленісті шешудеің амалдарын іздеуде. АҚШ Мемлекеттік хатшысы Энтони Блинкен Ресейге «норман форматындағы» келіссөздерге оралуды ұсынғанын айтты.
Энтони Блинкен, АҚШ Мемлекеттік хатшысы:
«Біз Ресейдің Украинаға қарсы агрессиялық саясатына алаңдаулымыз. Оның ішінде ішкі жағдайды тұрақсыздандырумен қатар, әскери операция болуы да мүмкін. 2014-і жылы да осылай болған еді. Қазір де, Ресей Украинаға қарсы айып тағуда. Біз Украинаға барынша қолдау көрсетуге дайынбыз. Біз Украинаның аймақтық тұтастығын қорғауымыз керек. Жуырда мен Ресей мен Украинаның Сыртқы Істер Министрлерімен кездесемін. Дипломатия – бұл мәселені шешудің жалғыз жолы».
НАТО бас Хатшысы Йенс Столтенберг 2014 жылдан бері одақ күштерінің әлдеқайда күшейгенін мәлімдеді. Сондықтан, Ресейдің Украинаға қарсы агрессивтік саясаты үлкен қателік болатынын мәлімдеді. Оның айтуынша, жаңа «Қырғи-қабақ соғыстың» алдын-алу керек.
Йенс Столтенберг, НАТО Бас хатшысы:
«Біз Ресейдің Украинаға қарсы күш қолдануына нақты жауап қайтара аламыз. Ондай болған жағдайда Ресей бұдан да үлкен санкцияларға ұрынады. 2014-і жылғы жағдайдың қайталанбауын қамтамасыз етуіміз тиіс. Украина тәуелсіз мемлекет және біз оның тәуелсіздігін қорғаймыз».
Айта кетер жайт, қалыптасқан жағдайға байланысты Ұлыбритания бір топ әскерилерін Польшаға жзіберді. Ал, Украинаға көмек ретінде Канада өз әскери кеңесшілерін жіберген.
