Мал ұрлығымен айналысқан 112 қылмыстық топ ұсталды. Ұрланған 7 мың түліктің 4 мыңы табылып, иелеріне қайтарылған.
Жалпы жыл басынан бері полиция 800-ден астам қылмыстық істің ізін кесіпті. Олардың ең ірісі 15 адамға дейін ұйымдасып, жымысқы әрекеттерін жүзеге асырып келген. 18 мал ұрлығына қатыстылығы дәлелденген. Қазірде Ішкі істер министрлігімен Қылмыстық кодекске «Мал ұрлығы» жеке бабы енгізілді. Ол бойынша ең жоғары 12 жылға дейін бас бостандықтан айыру көзделген. Сонымен қатар жеке мүлкі де тәркіленеді.
Нұрділдә Ораз, ҚР Ішкі істер министрлігінің ресми өкілі:
«Қабылданып жатқан шаралардың нәтижесінде соңғы 5 жылда мал ұрлығының саны едәуір азайды. Егер 2016 жылы осындай 7 мыңнан астам қылмыс тіркелсе, 2020 жылы 2 мыңнан аспайды. Осыған ұқсас үрдіс биыл да сақталып отыр. Биыл мал ұрлығының саны 18 пайызға азайды».
