Түркістан облысы Түлкібас ауданында кезекте тұрған 450 адамға жер телімі беріледі. Бүгінде үш елді мекенде инфрақұрылым тарту жұмыстары жүргізілуде. Су құбырлары тартылып, электр бағаналары орнатылған. Енді кәріз жүйесін жүргізу мен асфальт төсеу жұмыстары қалған.
Бұған дейін Түлкібас кентінен жеке баспана салуға 146 жер телімі бөлінген. Алдағы уақытта әлеуметтік маңызы бар нысандар бой көтереді деп жоспарлануда. Ал 158 жер телімі Састөбе ауылынан беріліпті. Мұнда да 2 көпқабатты тұрғын үй мен саябақ және ойын алаңшалары түседі. Сондай ақ, Балықты елді мекенінде кезекте тұрған 177 адамға 36 гектар жер бөліп беріледі. Мамандардың айтуынша, телімдер желтоқсан айында үлестіріледі. Айта кетейік, аталған ауданда 6500 адам жер кезегінде тұр.
Тілеуберген Имашев, Балықты ауылының тұрғыны:
«Балықты ауылындағы халық қалаға көп көшіп жатқан жоқ. Жастардың барлығы осы жердің жақсылығы болу керек. Осы жерден кеткісі жоқ 400-ге жуық адам кезекте тұратын болса, осы жылы соның 177-сі осы жылы жермен қамтамасыз етіледі. Бірінші кезекте жер иелеріне, екінші кезекте кезегімен үй берілмекші».
Ақбота Аязбаева, аудандық жер қатынастары бөлімінің бас маманы:
«Одан бөлек, Түлкібас кенті бойынша көпбақатты пәтерлі тұрғын үй жобаланған. Қазіргі таңда 8 гектар жер телімі қарастырылған. Ол жерде қазір 5 қабатты көппәтерлі тұрғын үй құрылыстары жоспарлануда. 5 тұрғын үй түседі».
