Бұл олқылықтар 24 мыңнан астам іс құжатын саралай келе, облыстық жұмыспен қамтуды үйлестіру және әлеуметтік бағдарламалар басқармасының зерделеу жұмыстарының нәтижесінде белгілі болған. 330 құжат бойынша келтірілген жалпы шығын көлемі – 28 миллион теңгенің төңірегінде.
Ал, Арыс қаласында тіптен Атаулы әлеуметтік көмек тағайындайтын мекеменің есепшісі мұқтаждарға берілетін қаражатты оңды-солды шашқан. Қазірде бұл іспен Сыбайлас жемқорлыққа қарсы қызмет Агенттігі айналысып жатыр.
Әсия Темірбаева, облыстық жұмыспен қамтуды үйлестіру және әлеуметтік бағдарламалар басқармасының басшысы:
«Заңсыз тағайындалғаны былай тұрсын, атаулы әлеуметтік көмекке өтініш бермей ведомостьке қол қойылып кетіп жатқан. Сыбайлас жемқорлықтың бірінші ұшы – осы. Сол жердегі есеп-қисап бөлімінің бас бухгалтері туысқанын, інісін, кімі бар бәрін атаулы әлеуметтік көмекке мұқтаж болмаса да ведомость толтырып бере берген. Переплатасы өте көп».
