Бұл кадрлерде мектеп жасындағы жеткіншектердің дүкеннен емін-еркін вейп сатып алып, қысылмай шегіп тұрғаны көрінеді. Осылайша соңғы жарты жылда жастар арасында түтіні будақтаған қор-қор іспеттес осы затты тарту трендке айналған. Алайда депутаттар оған уақытында шектеу қойып бақылауды күшейтпесе, нашақор ұрпақ өсіреміз деп дабыл қағуда. Себебі вейптің құрамындағы никотин темекіден екі жарым есе көп екен.
Мәди Ахметов, Мәжіліс депутаты:
«Кез келген дүкен сөресінде толып тұрған түрлі-түсті мұқабалы, сан түрлі дәмі бар бір реттік вейптен көз сүрінеді. Құны 2 мың теңгеден басталатын арзан «у» кәмелетке толмаған жеткіншіктерге емін-еркін сатылып жатыр. Дүкен былай тұрсын, әлеуметтік желіні ашсаңыз, никотинді тауарды тәулік бойы үйіңізге тегін жеткізіп беретін пабликтерде, анонимді телеграм каналдарда жүздеген жарнама самсып тұр».
Сандарды сөйлетсек, елімізде электронды темекі шегетін 11 жастан 15 жасқа дейінгі жасөспірімдер саны 3 есеге артқан. Өкініштісі, солардың көбі — қыздар. Көш басында алматылық жасөспірімдер тұр. Олар темекі қолданудың соңы ұрпақсыз қалуға алып келеді дейді.
Надиржан Абдурахманов, дәрігер-уролог:
«Қазір жастар арасында электронды темекі модаға айналып кеткен. Оның зияны қандай екенін жастар әлі толық білмейді. Біріншіден ондай тәуелділікке алып келеді. Ол әлі толық зерттелмеген как мода ретінде шегіп жүреді. Асқынуына яғни бедеулікке ұрпақсыздыққа потенциалдың төмендеуіне алып келуі мүмкін. Сосын өкпе рагына алып келуі мүмкін».
Түйін: Электронды және бір реттік темекілер бізге Қытайдан ешқандай сертификатсыз ағылып келіп жатыр. Әлемніің 35 елі тыйым салса да, бізге ол еш шектеусіз кіргізілуде. Өкініштісі, бір қарыс құралдың құрамы әлі күнге дейін анықталмаған. Нақты зерттеулер де жоқ. Ал оқушылар арасында бұл шылымға сұраныс сұмдық. Әсіресе, жоғары сынып оқушылары өзінен кішкентайларға әлімжеттік татынып оны екі есе бағасына сатып жүр. Ал заң бойынша 21 жасқа толмағандарға бұл үшін 15-тен 200 АЕК-ке дейін айыппұл салынуы тиіс.
