Биыл Түлкібас ауданында 34,6 шақырым жол жөнделіп, жыл соңында дейін пайдалануға берілмек. Сондай-ақ аудан орталығындағы көшелер де жақсара түседі деп күтілуде.
«Ауыл – Ел Бесігі» бағдарламасы бойынша, орталықтағы 18,3 шақырым жол жөнделіп, Т.Рысқұлов елді мекеніндегі бес көше мен Көкжайлау және Жанкент шағынаудандарының көшелеріне ағымдағы жөндеу жұмыстары жүріп жатыр. Сонымен қатар, тұрғындардың түнгі уақытта жүріп-тұруына ыңғайлы жағдай жасау мақсатында түнгі жарықтандыру шамдары орнатылуда.
Жол жөндеу жұмыстарының қарқыны мен сапасын бақылау мақсатында аудан басшысы Нұрлан Байғұт өзі аралап, кей көшелерге көңілі толмай, жауапты мердігер мекемені сынға алды. Әкім барлық нысанның сапасы мен мерзімінде аяқталуын қатаң бақылауда ұстайтынын ескертті.
Түркістан облысының Өңірлік коммуникациялар қызметі
