«Талибан» радикал қозғалысының (Қазақстанда тыйым салынған ұйым) содырлары Кабулдағы Норвегия елшілігін басып алды. Бұл туралы Ирандағы Норвегия елшісі Сигвальд Хауге өзінің Twitter парақшасында хабарлады.
Дипломаттың айтуынша, содырлар елшілік ғимаратындағы шарап бөтелкелерін сындырып, балалар кітабын жоюға кіріскен.
«Тәліптер Кабулдағы Норвегия елшілігіне баса-көктеп кірді. Елшілікті көп ұзамай қайтарып беретіндерін айтты. Бірақ, алдымен ондағы шарап бөтелкелері мен балалар кітабының көзін жоюда. Олар кітаптан гөрі қару-жарақты әлдеқайда қауіпсіз санайтын сияқты», — делінген хабарламада.
