Лаңкес алты адамды пышақтады

Жаңа Зеландияның Окленд қаласында пышақпен қаруланған адам 6 адамды жарақаттады. Шабуыл осы елдің ең ірі қаласы – Оклендтегі супермаркетте болған. Шұғыл баспасөз мәслихатын өткізген премьер-министр қаскүнемнің 10 жылдан бері Жаңа Зеланияда тұратын Шри-Ланка азаматы екендігін, күдікті адам ретінде 5 жыл бойы полицияның бақылауында болғанын және «ДАИШ» экстремистік ұйымының жақтасы екенін жеткізді. Лаңкестік шабуыл 60 секундқа созылған, тәртіп сақшылары дер кезінде әрекет етіп, оның көзін жойып үлгерген. Зардап шеккен алты адамның үшеуінің жағдайы ауыр.