Бүгін ҚР Президенті Қасым-Жомарт Тоқаевтың Жолдауындағы тапсырмаларды жүзеге асыру жөнінде Үкімет отырысы өтті. Жиында білім саласында ел намысын абыроймен қорғаған жас өрендерімізге мемлекет тарапынан ынталандыру сыйлығы берілетіні айтылды.
«Халықаралық олимпиадалардың жеңімпаздарына конкурсқа қатыспай-ақ грант беру мәселесін заңнамалық түрде реттейміз. Жеңімпаздарды ынталандыру және қолдау мақсатында алтын жүлдеге ие болғандарға 1500 АЕК, «күміске» 1000 АЕК, «қолаға» 500 АЕК көлемінде бірреттік ақшалай сыйақы тағайындау жоспарланып отыр. Ал жеңімпаздарды дайындаған педагогтер мен тәлімгерлерге де тиісті біржолғы қаржылай сыйақы беру (1000 АЕК-ке дейін) көзделген», – деді Білім және ғылым министрі Асхат Аймағамбетов.
