Әзірбайжанда мейрамханалар мен сауда орталықтарына барған кезде талап етілетін міндетті ковид-төлқұжаттары енгізілді. Бұл құжат үйлену тойларына барған кезде де қажет болады. Мұндай талап елдегі Министрлер кабинетінің Қаулысымен қабылданды.
Эпидемиологиялық модельдеу әрбір үшінші американдық тұрғынның 2020 жылы коронавируспен ауырған болуы мүмкін екендігін көрсетеді. Ғалымдардың пікірінше, өткен жылы 110 миллионнан астам амкрикандық адам SARS-CoV-2 вирусын жұқтырған болуы әбден мүмкін, мұндай зерттеу нәтижелерін Nature ғылыми журналы жариялады.
ДДҰ Колумбияда анықталған коронавирус штамын мониторингілеу тізіміне енгізді. Ол грек алфавитінің «мю» әрпімен белгіленген. Бұл тізімдегі штамдар аурудың жұқпалылығына, ауыр ағымына әсер ететін генетикалық өзгерістерге, сонымен қатар иммунитет және диагностикалау мен терапиядан алшақтау мүмкіндіктеріне ие.
Иран ислам Республикасында пандемия басталғаннан бері коронавирус инфекциясын 5 миллионға жуық азамат жұқтырды. Өткен тәулікте аурудың 31 319 жаңа жағдайы анықталды, 643 ирандық аурудан қайтыс болды. Иранның Денсаулық сақтау және медициналық білім министрлігі көз жұмғандардың жалпы саны 107 794 адамды құрады деп хабарлайды. Бүгінгі таңда 18 789 616 азамат COVID-19 вакцинасының алғашқы дозасын алды, 8 711 970 адам вакцинация курсын аяқтады. Жалпы елдегі халық саны 83 миллионнан астам адамды құрайды.
Косово азаматтары коронавирусқа қарсы қайырымдылық көмек аясында берілетін препараттармен вакцинацияланады. Осы аптаның соңына дейін Балқан түбегіндегі Республика Германиядан 150 мың AstraZeneca вакцинасының келуін күтуде. 30 тамызда Pfizer компаниясы шығарған препараттың 53 мың дозасы Косовоға жеткізілді. Денсаулық сақтау министрі Арбен Витийдің айтуынша, үш ай ішінде Pfizer вакцинасының 622 мың дозасы келуі керек. Коронавирус салдарынан өлім-жітімінің артуына байланысты Косово азаматтарын вакцинациялауға шақырады. Облыста коменданттық сағат және қатаң бетперделік режим енгізілді.
