Биыл Түркістан облысында 78 мектеп бой көтереді,- деп хабарлайды TurkistanZaman ақпараттық порталы. Сонымен қатар, өңірде күрделі жөндеу жұмыстары да жүргізіліп жатыр.
Мектептердің 70-і облыстық бюджеттен салынып жатса, қалған 8 мектеп «Ауыл ел бесігі» жобасы аясында бой көтереді. Бұдан бөлек, Түркістан қаласында 720 орындық алғашқы Назарбаев Зияткерлік мектебі салынып жатыр. Қазіргі таңда облыста 6 апатты және 4 үш ауысымды мектеп бар. Биыл аталған мектептерден 2 апатты және 1 ауысымды мектептің мәселесі шешіледі. Қалған мектептердегі ахуал 2021-2023 жылдардың аралығында шешімін табады.
Өңірімізде «Nur Otan» партиясының «Өзгерістер жолы: Әр азаматқа лайықты өмір!» атты сайлауалды бағдарламасына сәйкес 2025 жылға қарай 130 мектеп салу жоспарланып отыр.
Бұған қоса, Түркістан облысы бойынша 108 мектепті жаңғырту жоспарланған. Оның ішінде биылғы жылдың 18-інен бастап 12 мектептің күрделі жөндеу жұмыстары жүргізіліп басталды. 108 мектептің кітапханаларында да қайта жаңғырту жұмыстары қолға алынды.
Айта кетейік, 12 мектептің күрделі жөндеу жұмыстарына жалпы есебі 2,8 млрд қаржы қарастырылды. Оның ішінде 5 мектеп тамыз айының соңында аяқталса, қалған 7 мектеп жыл соңына дейін пайдалануға беріледі.
